Joriy yilning 24-27 noyabr kunlari Innovatsiyalar Milliy ofisi tomonidan “Tijoratlashtirish va texnologiyalarni transfer qilish mexanizmlari” mavzusidagi seminar-trening o'tkazilmoqda.

Innovatsiyalar milliy ofisi bo'lim boshlig'i Oybek Tuyboyov va "PREEN" MChJ rahbari Faxriddin Rahimov mentorligi ostida o'tayotgan seminar davomida ilmiy loyihalarni tijoratlashtirish, texnologiyalar transferi masalalari va shu o'rinda innovatsion markazlarning o'rni haqida so'z boradi.

Bundan tashqari, soha mutaxassislari tomonidan investor izlash, muzokaralar olib borish jarayoni, investitsion bitim hujjatlarining standart shartlari va shakllari haqida ma'lumot beriladi.